هطيــــــــل

ˆ~*¤®§(*§*)§®¤*~ˆ°هطيــــــــــــــل°ˆ~*¤®§(*§*)§ ®¤*~ˆ°



هطيل بتعنا دا غير عطيل

بتاع زمان

عطيل دا فارس وابو فوارس

كل الزمان

راكب حصانه وبنى بسيفه

حصن الأمان

حتى فى خطيئته وموت حبيبته

شلال حنان

عاشت دموعه ويا بطولته

تحكى اللى كان

****

وهطيل بتعنا راكب حصانه

دراع مقشه

رافع فى إيده سيفه الخطير

اصله منشه

طربوش فيه خرم وعاملوا تاج

وعرشه عشه

فارس همام لابس دروعه

قميص مقطع

كلامه خايب وفاكرلى نفسه

أبن المقفع

وهى مرة سمع له كلمه عايش عليها

عمال يرقع

فصل له منها يجى الف كلمه

وكلام مفرقع

تقرا اللى فيها تلقيها عوجه

ومعناها أكتع

دايرعلينا فارد قلوعه

بجزمه حافيه

بين الغلابه ماشى وطايح

ووخدها عافيه

وجاى لعندى قال ايه يا سيدى

دخلى قافيه

****

عافيه بقافيه وقافيه بعافيه

يا عم دوق

الدنيا غابه فيها الديابه

وفيها الخلوق

وفيها اللى يقدر بكلمه صافيه

يخليك تفوق

وفيها اللى يقدر بطبعك يلمك

يعيد الحقوق

وانت بأصلك وطبعك وفصلك

عمال تسوق

فاكرها دنيا ماشيه طباطا

وياك تروق


الدنيا دنيا بس اللى يفهم

يقدر يفوق

أرجع لراسك واعرف خلاصك

لتعيش قلوق

ترضى بناسك تنسى اللى داسك

هى تروق

تعيش بطبعك ولا حد همك

تركب خذوق

12/01/2007
Tamer_silit