الخميس، ٣ يناير ٢٠٠٨

تمن الغربة





فى الغربه روحنا اتفتت

من غير تمن

لا دا التمن احنا

واحنا التمن

ومعادش فاضل غير امل

انه يعود لينا الزمن

من غير وشوش المطحونين

والمظلموين من الف عام

فى قلب جب ماله ارض

ما فضلهم الا الكلام

والثورة مارد جوا قمم

عمره ما قام

بس لازم يوم يقوم

لجل الغلابه المطحونين

لازم يقوم

لجل ما يعيد الامان

لكل شبر فى الحياة

لكل قلب فى لحظة طاهرة

قام نجاه

لجل الجروح ع الجته

بقيه من سنين

لجل هموم فى القلب

لسه معششين

والغربه مر وصبر

والف يوم مقتول

والصبر يمكن نفذ

ومعدش له مفعول

غير اننا يمكن نصيح مرة

نقدر نقول

ان اللى ثار بنا

لحظة ما مات

كتب لبكره رغم الجميع

ورقة ميلاد

وان روحنا المتفتته

رغم البعاد

قادرة تشيل جواها لسه

لحظة ميلاد



القصيدة تفاعل مع قصيدة الشاعر احمد الشربينى (مجدك سراب )

هناك ٢٠ تعليقًا:

ســمـــر احمد يقول...

ورقة ميلاد و جواز مرور
لكل قلب برئ جسور...
لكل صرخة تضوى لامعة
حتى لو اساسها دمعة ...

و بيفضل حلم التغيير دافع جميل لكل حرف منور

تحياتى تامر
***

زُمُرده يقول...

الامل مارد قادر.. مهما اتحبس هيخرج
مهما قال مش قادر هيقدر يشيل هموم وصوت دفين بيحلم ببكره

يحيي يغير يفرح يلون يكتب ميلاد جديد لبكره ويرسم احلى دنيا

Tamer silit يقول...

سمر احمد

ودائما يظل حضورك ههو الاجمل وقراتك للنصوص هى الاعمق

سؤال بس انتى ليه مكلكعة موضوع الردود اوى كده فى مدونتك

لدرجة انى مش عارف احط رد

Tamer silit يقول...

زمرده

اكيد حيخرج محدش يقدر يحبسة

شكرا على مرورك وكلماتك واهلا بك صديقة دائمة

مروة الزارع يقول...

كلمات رائعة

تحيااااتى

Unknown يقول...

المارد كائن وهمي لم اراه يوماً للأسف
تحياتي

غير معرف يقول...

الغربه ليها اتمان من رأى مش تمن واحد
قول صحه قول بعد عن كل الاحباب قول طحن وتفتيت فى روحك ويمكن فى عقلك
بس المقابل صعب الاستغناء عنه لو عايز تعيش هنا معانا

بس الاصعبالغربه وانت بين الكل
وتكون وحيد وسط الزحام

يبقى الغربه الاولى اهون كتير


بسنت

رحــــيـل يقول...

الغربه
مش احساس بغربه مكان اكتر ماهو بيكون مؤلم لما يكون غربة احساس

السفر والغربه انا شايفه انها رغم الامها والمعاناه بس اكيد تجربه تستحق التضحيه والصبر
التعامل مع شعوب اخر وحضارات مختلفه عادات وتقاليد مختلفه

اعتقد اننا يجب ان نستمتع بالتجربه نفسها رغم مشقتها

كلمات جميله ومعبره جدا
تحياتى لك

غير معرف يقول...

احيانا تكون قسوة التجربه
هى السبب فى تدفق الكلمات
السبب فى الابداع

كتب لبكره رغم الجميع

ورقة ميلاد

وان روحنا المتفتته

رغم البعاد

قادرة تشيل جواها لسه

لحظة ميلاد

ومادام هناك القدر الكافى من العند
من التحدى
من الامل
فيوما ما سيعود الجنين
لوطنه
حاملا معه شهادة ميلاده

rainbow يقول...

وان روحنا المتفتته

رغم البعاد

قادرة تشيل جواها لسه

لحظة ميلاد


الغربة هذا المارد المخيف عندما يجثم على حياتنا على شعورنا ونحن فى بلادنا وبين اهلنا يكون اصعب من اى غربة بعيدا عن الوطن

لكن سطورك تجيب فى النهاية بتمنى جميل انه رغم كل هذا ارواحنا تأبى الهزيمة وسيولد من رحم الغربة دفىء الانتماء ولو الى انفسنا

تحياتى لقلمك وللانسان داخلك

هدى

Tamer silit يقول...

مروة الزارع

وشكرا على مرورك وتشريفك للنص

Tamer silit يقول...

مروة الزارع

وشكرا على مرورك وتشريفك للنص

Tamer silit يقول...

انونيمس

عدم رؤيتنا له لاينفى وجوده

المارد موجود وظهر كثيرا بالفعل على مر التاريخ

Tamer silit يقول...

بسنت

صدقينى مفيش غربة هينة لا فى الحالة الاولى ولا فى الحالة التانيه

شكرا دائما على مرورك الذى يشرفنى

Tamer silit يقول...

ra7eel

زى ما قولت لبسنت فى الحالتين الغربة صعبة قى الحالتين لكن احيانا فى حجات بتهون

Tamer silit يقول...

ra7eel

زى ما قولت لبسنت فى الحالتين الغربة صعبة قى الحالتين لكن احيانا فى حجات بتهون

Tamer silit يقول...

shreen


زيارتك دائما تسعدنى

شكرا على مرورك

Tamer silit يقول...

هدى بالفعل دائما هناك أمل ودائما هناك وقت لنهاية الاغتراب

شكرا على مرورك الذى يشرفنى دائما

ســـــــهــــــــــر يقول...

رغم اكنمال الاجوبه
من قبل ما يخط السؤال ف ملامح دهشته
و يرفع الحرف ف حواحبه
و تترسم ع الصفحه ليه
لساك يا ضى من بعيد
شاغل عيون القلب و مصحى الامل
شابك طراطيفك ف رمش .. ميت تعب

--------------------------

الحمد لله بس يا رب تتم معلى خير

اول مره تقبل الصفحه رد

كل مره اجى و اقشل و مش عارفه السبب

المبدع الرائع تامر عبد الغنى
مفتقده حروقك اللى شايله افكارك
ب
فـــ جيت هنا
لقيت كتير
اسمحلى اكون زائر دائم

Tamer silit يقول...

سهر

اولا اعتذر جدا عن التأخر فى الرد انا كمان بقالى اكتر من شهر مش عارف احط ولا رد فى ولا مدونة ومش فاهم السبب

مداخلات وحضورك الرائع دائما ما يشرفنى ويسعدنى فشكرا لك